Monday, July 25, 2011

*காஞ்சிபுரம் காமாட்சி #1***

நகரங்களில் தனி சிறந்தது காஞ்சி. இங்கே அருளாட்சி புரிவது அன்னை காமாட்சி.
கயல்கண்ணி காமாட்சி வீற்றிருக்கும் திருக்கோயில் தலையாய சக்தி பீடங்களில்
ஒன்று இத்திருக்கோயில் வைணவத் திருத்தலங்களில் ஒன்றாகவும் பெருமை கொண்டது என்பது
கூடுதல் சிறப்பு.

பின்னணியில் பிரமிக்க வைக்கும் வரலாறுகள் பல.

பிரம்மதேவன் தன்னுடைய வம்சத்தில் பிறந்து இறந்துபட்ட அசுரர்களை மீண்டும்
உயிர்ப்பித்து
வரங்களை அள்ளிதர ஆசை கொண்டான்.அருந்தவம் இயற்றி அளப்பரிய சக்தியை அடையும்
நோக்கில் காஞ்சியை வந்தடைந்தான்.

நான்முகன்னின் தவத்துக்கு காவல் இருக்க மதுகைடபர் எனும் இரு அரக்கர்களைத்
தோற்று

வித்தான்.bநாராயணன். கொடிய அரக்கர் குலம் மீண்டும் உயிர் பெற்று விட்டால்
அண்டத்துகே அபாயம் என்று கவலை கொண்டாள் பராசக்தி.

தனது மாயையினால் மஹாவிஷ்ணு வடிவமேற்றாள்.மதுகைடபர் அவளைத் திருமால் என

எண்ணிப் பணிந்தனர்.அன்னை தன் கையில் இருந்த சக்ராயுதத்தை ஏவினாள்.அது
மதுகைடபரின் சிரங்களை அறுத்தது.

பிரம்மதேவனின் தவம் கலைந்தது.அவன் கோபம் கண்டு,மஹாவிஷ்ணுவின் தோற்றத்தில்
இருந்த பராசக்தி பயந்து ஓடுவதைப் போல் தென்திசையில் ஓடினாள்.பிரம்மதேவன் அந்த
விஷ்ணுவை நெருங்கி,தன் பிரம்மா ஸ்திரத்தை பிரயோகிக்க
முயன்றான்.விஷ்ணுமூர்த்தியாக இருந்த தேவி,

,''பிரம்ம தேவனே, உன் காவாளிகளின் உயிர்களைக் கொய்தவர் உருத்திர மூர்த்தியே!
உன் பின்புறத்தில்தான் ஓடுகிறார்'' என்று இரு கரங்களையும் எதிரில் நீட்டிக்
கூவினாள்.

பிரம்மன் திரும்பிய சிறுபொழுதுக்குள், பராசக்தி உருத்திரமூர்த்தியின் வடிவம்
தாங்கி வடக்குத் திசையில் ஓடினாள். பிரம்மன் ஓடோடிச் சென்று உருத்திர
மூர்த்தியின் நெருங்கினான். உருத்திர மூர்த்தி வடிவம்,பிரம்மனின் தவம்
கலைந்தற்குத் தானும் காரணம்ல்ல என்று பகர்ந்தது. பிரம்மன் குழம்பினான்.

உருத்திர மூர்த்தியாகிய பராசக்தி அவன் பார்வையில் இருந்து மறைந்தாள்.பிரம்மன்
மேலும் திகைத்து விஷ்ணுமூர்த்தி இருந்த திசை பக்கம் திரும்ப, அன்னை அந்த
வடிவையும் மறைந்து போகச் செய்தாள். அந்த நாள் முதல் வடக்கு திசையில் காட்சி
தந்த சிவ வடிவானது ஆம்பர விருசா(மாமரம்) ரூபமாய் மாறி ஏகாம்பரம் ஆனது. அங்கே
ஏகாம்பரநாதனுக்கு ஒரு கோயில் எழுந்தது.தென் திசையில் காட்சி தந்த திருமால்
வடிவு வரதராஜ மூர்த்தியாகக் கோயில் கொண்டது.இந்த இரண்டுருவாகக் காட்சி தந்த
பராசக்தியோ இருவருக்கும் இடையில் காமாட்சி

தேவி என்ற திருநாமத்துடன் பிரகாசிக்கத் தொடங்கினாள்.

இன்னொரு புறம்.

பந்தகாசுரன் என்ற அரக்கன் பத்தாயிரம் யானை பலம் கொண்டிருந்தான்.'ஐந்து
வயதுப்பெண் குழந்தையால் மட்டுமே என் உயிர் போக வேண்டும்'' என்று ஈசனிடம்
வித்தியாச வரத்தையும் பெற்றிருந்தான்.அவனால் அச்சுறுத்தப்பட்டு துன்புறுத்தபட்ட
முனிவர்கள், தேவர்கள் மீது, ஈஸ்வரன் கருணை கொண்டான். சில உத்தரவுகள்
இட்டான்.ஆண்டவன் பணித்தபடி தேவர்கள் கயிலை அருகிலிருந்த கோமுகத்தில் ஒரு
சுரங்கப் பாதையில் ஒளிந்தனர்.அந்தப் பாதை காஞ்சியில் வந்து முடிவடைந்தது.

அந்த இடத்தில், ஒரு மண்டபம்.அதன் பீடத்தில் அமர்ந்திருந்தாள்,ஓர் அன்னை.அவர்கள்
பார்வை பட்டதும்,மறைந்தாள்.உருவம் அருவம் ஆன போதிலும் கூட,கண்ணில் கண்ட
உருவத்தை

தேவர்கள் நெஞ்சில் இருத்தி வணங்கினர்.பந்தகாசுரன் மாயமான தேவர்களையும்
முனிவர்களையும் தேடித்தேடிக் களைத்தாள்.

உரிய நேரத்தில், அன்னை ஐந்து வயது பாலகியாக உருவெடுத்தாள்.பந்தகாசுரனின் கழுத்தில்
ஒரு காலையும், மார்பில் ஒரு பாதத்தையும் பதித்தாள்.பந்தகாரன் பார்க்கையில்,அப்பெண்
குழந்தை, பதினெட்டு கரங்களும் அவற்றில் பயங்கர ஆயுதங்களையும்கொண்ட பைரவியாய்
மாறினாள். பந்தகாரனை வதம் செய்தாள் தேவர் முதலானோரிடம் அந்த ஐந்து வயதுப் பாலகி
உத்தரவிட்டாள்.

''அரக்கனின் உடலைப் புதைந்து, அதன் மேல் ஒரு வெற்றி கம்பம் நடுங்கள்.சுரங்க
மண்டபத்துக்கு

நேர் மேலே இருபத்து நான்கு காயத்ரி மந்திரங்களே இருபத்து நான்கு தூண்களாக
விளங்கும் வண்ணம் ஒரு மண்டபம் கட்டுங்கள். எனக்கொரு விக்கிரம் செய்து மையத்தில்
ஒரு மாணிக்க சிம்மாசனத்தில் அமர்த்துங்கள். வெளியில் அமர்ந்து தியானம்
செய்யுங்கள்.விடிந்தவுடன் நான் யார் என்பது உங்களுக்குத் தெரியும்
அரக்கனின் உடலைப் புதைந்து, அதன் மேல் ஒரு வெற்றி கம்பம் நடுங்கள்.சுரங்க
மண்டபத்துக்கு நேர் மேலே இருபத்து நான்கு காயத்ரி மந்திரங்களே இருபத்துநான்கு
தூண்களாக விளங்கும் வண்ணம் ஒரு மண்டபம் கட்டுங்கள். எனக்கொரு விக்கிரம் செய்து
மையத்தில் ஒரு மாணிக்க சிம்மாசனத்தில் அமர்த்துங்கள். வெளியில் அமர்ந்து
தியானம் செய்யுங்கள்.விடிந்தவுடன் நான் யார் என்பது உங்களுக்குத் தெரியும்.

தேவர்களும் குழந்தை கூறிய வண்ண்மே செய்தனர்.விடிந்தவுடன் கதவை திறந்து
பார்த்தன்ர்.

அங்கே......,சிம்மாசனத்தில் தேவர்கள் செய்து வைத்த வடிவான விக்கிரகத்தைக்
காணவில்லை.பதிலாக,காமாட்சி அன்னையே அங்கே வீற்றிருந்தாள்.

தேவார்களே... நானே இராஜராஜேஸ்வரி, ஆதிசக்தி,அசுரர் குலம் தழைக்க
பிரம்மன் தவம் செய்ததால்,காமாட்சியாய் அவதரித்து அதைக் கலைத்தேன்.

ஐந்து வயது பாலகியால் தான் பந்தகாசுரனுக்கு மரணம் சம்பவிக்கும்
என்பதால், அவ்வடிவம் கொண்டேன்.உங்களுக்கு தரிசனம் தருவதற்கு
நீங்கள் பிரதிஷ்டை செய்த விக்கிரகத்திலும் குடியேறினேன்.இனி நான்
சுரங்க மண்ட்பத்திலும்,இங்குமாய் என்றும் இருப்பேன் என்று
வாக்கு அளித்தாள்.

தேவர்கள் அமைத்த காயத்ரி மண்டபத்தில் அன்னை காமாட்சி காட்சி
தந்தது பங்குனி மாதம்,கிருஷ்ணபட்சம், பிரதமை திதி, வெள்ளிக்கிழமை.
இந்த அவதார் காலத்தில் தேவியைத் தரிசித்து பூஜைசெய்தால் கோடி
யாகங்கள் செய்த பலனை அடைய முடியும் என்ற காரனத்தால் துர்வாச
மகரிஷி தமது சீடர்களுடன் அங்கே வந்து அன்னையைப் போற்றி
வணங்கினார்.

அன்னையின் சந்திக்கு அருகில் துர்வாச மகரிஷி வீற்ற கோலத்தில் இருப்பதை இன்றும்
காணலாம்.

காஞ்சியில் காமாட்சியைப் பூஜை செய்ய ஒரு முறை பிரம்மன் வந்திருந்தான் அப்போது
காயத்ரி மண்டபத்தில் பாதம் பதித்து நின்றதால், பிரம்மனின் கண்கள் கொஞ்சம்
கொஞ்சமாக ஒளியிழந்தான்.
சரஸ்வதி அருளிபடி, அவன் மீண்டும் காமாட்சி கோயிலுக்குச் சென்று
ஸ்ரீசக்ர பூஜை செய்தான்,அவன் பார்வை மீண்டது.
பிரம்மன் கேட்டுக் கொண்டபடி, காயத்ரி மண்டபத்தை மிதிக்கும் எவரும்ஸ்ரீ
சக்ரத்தை வணங்குவதன் மூலம் எந்த பாவத்துக்கும் ஆளாகாமல் இருக்கும் வரத்தை அன்னை
அருள் பாலித்தாள்.
அன்று முதல் காஞ்சியில் சிறப்பான பூஜைகள் நடக்கின்றன.ஸ்ரீ சகரத்தில் யந்த்ர
காமாட்சி சிறப்பான பூஜைகள் நடக்கின்றன. ஸ்ரீசக்ரத்தில் யந்த்ர காமாட்சி என்னும்
திருநாமத்துடன் கண்களுக்குப் புலப்படாமல் வாசம் செய்து வருகிறாள் அம்பிகை.

இந்த சக்ரத்தின் மையப்பகுதியில் இருக்கும் புள்ளியே அம்பிகை.
ஸ்ரீசக்ரத்தின் ஒவ்வொரு கோணத்தில் செ அம்பிகையின் பரிவார
தேவதைகள் பாங்குடன் வீற்றிருக்கினர்.ஸ்ரீசக்ரத்தைச் சுற்றி பிரதிஷ்டை
செய்தார் ஆதிசங்கரர்.

இராஜகோபுரத்தின் உள்ளே நுழைந்தவுடன் பலிபீடம்.கொடிமரம்
பிராகாரத்தை பிரதட்சணமாக வந்தால் குளத்தைச் சுற்றி வந்தால்
அஷ்டபூஜ துர்க்கை. கோயிலுக்குள் நுழைவுடன் நாகசுப்ரமணியர்.
உள்பிராகாரத்தில் நுழையும் வாசலில் பிரசன்ன கணபதி.மற்றும்
விக்ன நிவாரண கணபதி.

உள்ளே அன்னையை அனவரமும் பூஜித்துக்கொண்டிருக்கும் துர்வாச
மகரிஷி.அவரைக் கடந்ததும், இஷ்ட சித்த கணபதி.தியான மண்டபத்தில்
உத்சவ காமாட்சி. எதிரில் சிம்ஹ வாஹனம். உத்சவ காமாட்சியைத்
தரிசித்து வலம் வந்தால்,பங்காரு காமாட்சியின் சந்நிதி.அன்னை
தஞ்சைத் தரணியை ஆளப்போய் விட்டாலும் அவள் சந்நிதியில்
ஆட்சி.

அடுத்து ஸ்ரீ அன்னபூரணி சந்நிதி.அதற்கு நேர் எதிரில் காமாட்சி சந்நிதியின்
நுழைவாயில். காமாட்சி வீற்றிருக்கும் மண்டபத்துக்கு 'காயத்ரி மண்டபம்' என்று
பெயர்.காமாட்சியின் சேனாதிபதி வாராஹி சந்நிதிக்கு இடது புறத்திலும்,மகாலட்சுமி
வலது புறத்திலும் காட்சி தருகின்றனர்.

அன்னை பத்மாசனத்தில் பாங்குடன் வீற்றிருக்கிறாள். மேல் வலது
கையில் பாசமும்,மேல் இடது கையில் அங்குசமும் காட்சி தருகின்றன.
கீழ் வலது கரத்தில் பஞ்சபுஷ்ப பாணம்.கீழ் இடது கரத்தில் கரும்பு வில்.

அன்னையின் திருவுருவத்தின் முன் சக்தி வாய்ந்த ஸ்ரீ சக்ரம்.அதில்
அருவமாய் வாசம் புரியும் யந்தர காமாட்சி.அருகில் செளபாக்ய கணபதி
தரிசனம். சந்நிதியின் வலப்புறம் அர்த்தநாரீஸ்வரர். காமாட்சி இடது
புறத்தில் அரூப செளந்தரர்ய இலட்சுமியின் சந்நிதானம். காமாட்சியைப்
பூஜை செய்த குங்குமம்.இந்த அரூப் இலட்சுமி மேல் சொரியப்பட்டு.
அதன் பின்னரே பக்தர்களுக்கு வழங்கப்படுகிறது.

அரூப இலட்சுமியின் வலதுபுறம் வாராஹி தரிசனம்.அவளின் எதிரே
நாபிக்கமலம் விழுந்த இடத்தை அடையாளம் காட்டும் விதமாக
நிற்கும் சந்தான ஸ்தம்பம். அருகே சந்தான கணபதி.

காமாட்சி அன்னையின் வலது புறத்தில் செளந்தர்ய இலட்சுமி.
அருகில் அவளைப் பார்த்துக் கொண்டு கள்வர் பெருமான்.
நிறைந்த மனதுடன் சந்நிதியை விட்டு வெளிப்பட்டு பிரதடணமாக
வருகையில் ஸ்ரீசக்ரத்தை இந்தக் கோயிலில் பிரதிஷ்டை செய்த
ஆதிசங்கரர் சந்நிதி. இந்த தேவியின் திருவடி தரிசனம், வினைகளை
அறுக்கும்.வேதனைகளை விலக்கும். விரும்பியதைக் கொடுக்கும்.
வெற்றிகளை அடுக்கும்!

No comments:

Post a Comment